No ano 1969, escomenza a sua andadura musical un proxecto que no ano 1.978 daríase a coñecer como "Saraibas". O obxetivo co que nacía o grupo, e que seguimos mantendo na actualidade, e a defensa da nosa lingua e da nosa cultura a traves da música, pero non so enriba do escenario, senón tamén na vida cotián. E por isto que nos mesmos consideramonos un grupo comprometido.

Inicamos aquela andadura Marieli, Enma, Regina, Avelino, Miguel e Martín, formación que o longo destes anos tivo que ir sufrindo as lóxicas modificacións por mor do traballo, familia,etc...

Durante todos estes anos tivemos moitos compañeiros que contribuiron a que Saraibas fose conseguindo o obxetivo trazado:

Manolo "Bacalau", Carlos Beceiro (A Musgaña), Vicente Bermudez, Oscar Fernández (Os Cempés), Paco Román, Mariela Soto, María Gavín, Mari de Meluca, as irmás "Ces" e Anxela Loureiro.

Lembrar tamén os nomes de Bernardo Cendán, Lois Antón e Xoxé Miguélez, autores dalgúns textos musicados por Saraibas, e tamén a Ramón Diaz Raña, implicado directamente no nacemento e estabilidade do grupo.

O noso traballo facémolo musicando textos de poetas clásicos galegos, recollendo pezas populares e creando novas cancións.      O contido habitual de todo-los textos fan referencia a cuestións sociais e políticas da nosa terra tentando darlle nalgunhas un "toque picante", e tamén sen esquecer outras temáticas.

En todos estos anos, andivemos "de concerto" por toda Galiza, e ainda fumos sacando tempo para levar as nosas canciós a: Caracas, Puerto de la Cruz, Barquesimeto, Maracaibo, Valencia, Festival de Lorient, Zurich, Berna, Ginebra, París, Bruselas, Amberes, Londres, Munich, Bilbao, Barcelona, Sabadell, Madrid, etc...

 

E a historia continua......