Con pantalón remontado, con pantalón remontado,

se non vos parece mal, tocarei o agarrado.

Ai la, la.......

O mar che sirva de cama, o ceo de covertore,

a lúa de cabeceira, para que durmas mellore.

Ai la, la......

A do refaixo amarelo, vai na popa do navío,

téndeme conta con ela, que non se caia no río.

Ai la, la.....

Por ben que o loureiro medre, o ceo non ha chegare,

por ben amores que teña, a tí non te hei de olvidar(e).

Os amores dalgún día, eran un regalo ó velos,

agora tanto me ten, amalos coma perdelos.

Aquel bico que me deche, antre os toxos daquel monte,

pasa dun ano que foi, e parece que foi onte.

Ai la, la.....

Aquí vai a despedida, aquí vai a derradeira,

acabouse o chocolate, rompeu a chocolateira.

Ai la, la....